 |
2011 se kunstenaars was Karen Zoid, Stef Bos, AfriSpaans,
Marion Holm, Koos Kombuis en Vive la France.
Shows word een keer per maand by ons intieme venue
aangebied saam met ‘n ligte ete en na die tyd kuier ons
almal saam om ‘n koppie koffie en ietsie soets.
By de Malle Meul poog ons om een maal per maand te sorg
vir vermaak op ons klein dorpie. Ons bied 'n ligte ete
saam met die vertonings aan en kaartjiepryse wissel na
gelang van die produksie. Ons is trots om te kan
bekendmaak dat die volgende kunstenaars by de Malle Meul
gaan optree:
• 10 Februarie : Anna Davel
• 16 Augustus : Lize Beekman
Om te bespreek en die bankbesonderhede te kry, skakel
ons tussen 10:00 en 16:00 by de Malle Meul by 021 972
1097 of by 072 668 7901. Sodra bewys van betaling gekry
is, is die bespreking bevestig.
De Malle Meul bied interaktiewe kookklasse aan vir groepe van 4 tot
10 persone. Madelein Roets, kok van die ou de Malle
Madonna-bistro
in die Paarl, en Johané van Schalkwyk,
assistent-kosredakteur van TUIS-tydskrif, sorg vir ‘n
kookervaring vir beginners tot ervare huiskokke.
Dit is tyd vir KOOK! Die programm vir die
jaar lyk as volg (Hou ons
Facebook dop vir die program):
- Onthou-kos
- Pasta, Gnocchi en Risotto - Kom
hou jou lyf Italiaans: rol aartappel gnocchi soos ‘n
‘mama’, speel met vars pasta en ‘n verskeidenheid
souse en kook slim risotto sonder sukkel.
- Toe hoenders kon
vlieg! – Ontbeen en stop self ‘n hoender, maak
liplekker pasteitjies met suurroomdeeg en ons deel
idees vir japtrap etes.
- Franse
Fieterjasies! – Plat du joir kry ‘n ontrimpeling!
Ons fokus op Franse tegnieke: pak ‘n terrien met
flair, flambé jou vark noisettes en werk met Franse
deeg. Bon Appetit!
- Winterwarmte:
soppe en bredies – Begin by die begin: basiese
tamatie-, room- en groente-basisse vir soppe en
bredies om mee te eksperimenteer na hartelus;
kluitjies, croutons en dies meer – bring ‘n bietjie
tyd voor die stoof deur en proe die liefde.
- De Soete
verleiding – Duitse appel strudel, Franse meringue
roulade en Griekse baklava en kom reis verder saam.
- Bykosse is nie
‘n bysaak nie – Dink uit die boks met brood,
couscous, groente en slaaie; spesiaal vir die
winter.
- Suid-Afrikaanse Specials – Ons blaai Ouma se kop-resepte
deur en dis die Sondagmiddag-maal met smaak op.
Stadsjapies veral welkom!
Die klasse is Saterdae-oggende vanaf 09:30 tot ongeveer
14:00 afhangend van hoe lekker almal kook en kuier.
Die koste beloop R490 per oggend en sluit in : Koffie en beskuit by
aankoms, alle bestanddele vir die klas en voorbeelde om
huis toe te neem, 'n resepte- en wenke- boekie, 'n
verrassingspakkie en 'n voorskoot en ons eet lekker
saam met 'n glasie wyn.
Bring entoesiasme en 'n paar 'tupper'-bakkies saam.
Kookklasse terugvoer:
"Ek en Anke wil graag weereens bitter baie dankie sê vir
’n heerlike oggend wat ons saam met julle kon deurbring
Saterdag. Ons het sommer blinkwange tuis gekom! Dankie
dat julle julle kennis en resepte met ons gedeel het,
maar meeste van alles dankie vir julle entoesiasme en
vriendelikheid – so ’n oggend is genoeg om weer mens se
vertroue in die mensdom te herstel!
Daar is net niks so
lekker soos kuier rondom kos, wyn en goeie geselskap om
die lewe en vriendskap te vier nie! Baie dankie ook vir die allerheerlikste
verassingspakkie!!
En toe ook nog ’n padkospakkie – die
mense tuis het gesmul en vanaand maak ek die
tamatiebotter saam met die orige ricotta gnocchi. Anke
het die pasta saam vir hulle. Verder het ons heelnaweek
deur die boeke geblaai en naels geverf"
Liefde en lekker dag! Christina en Anke
De Malle Meul bied graag eksklusiewe oggendtees
aan vir tussen 10 en 16 mense. Ons poets die ou silwer
blink. Dek met lang wit tafeldoeke toegegooi met die
dunste blommerige voile lappe. Gebruik fyn lapservette.
Hou die sjampanje koud en die tee vars. Speel strelende
musiek.
‘n Verskeidenheid van die volgende word voorgesit:
Komkommer-toebroodjies, Biltong Lamingtons, Groenvye en
neute tertjies, Petit Kolwyntjies, Petit
Fours, Koeksistertjies, Rum-balletjies,
Madeleines,ens.
Mini heel-koeke: bv. Sjokolade Mousse-koek, Gebakte
Kaaskoek, ‘Victorian Sponge’-koek, Pekanneut meringue
tert, Tradisionele Sjokolade-koek, Koffie-koek,
Wortelkoek. Om te drink is daar van vrugtesap tot tee,
van MCC-Vonkelwyn tot organiese buchu-, organiese
roosmalva-, organiese suurlemoenstroop aangemaak met
sodawater.
Damesoggende kan gereël word. Kom kuier lekker saam om
potte stomende tee en koffie. Knak sjampanje. Eet
kaaskoek en quiche, of iets anders. Luister na sprekers
en mooi musiek. Bou nuwe bande en behou ou vriendskappe.
Morning teas can be organized. Mingle
around pots of steaming tea and coffee. Share a bottle
of champange. Eat cheese cake and quiche, or something
else. Listen to speakers and live music. Build new bonds
and rekindle old friendships
Alhoewel ons ’n permanente uitstalling van Pieter van
der Westhuizen se kunswerke in ons galery het, bied de
Malle Meul die geleentheid aan ander kunstenaars om
kunsuitstallings te hou. Die
kunstenaarsdorpie, Philadelphia, bied die ideale
atmosfeer vir kunstenaars om hul werke ten toon te stel.
de Malle Meul is ingerig en kan ’n groot aantal
werke akkommodeer. Dit gaan gepaard met ’n vingerete en
iets te drink by die openingsaand.
Although we host a permanent exhibition of Pieter van
der Westhuizen’s work, de Malle Meul can create the
opportunity to other artists to hold private art
exhibitions. The artsist village of
Philadelphia is the ideal place for artists to exhibit
their works. Opening night will include finger food and
something to drink.
Ander spesiale geleenthede wat al by de Malle Meul
aangebied is, was die spesiale
fondsinsamelingaand vir die Nasionale Instituut
vir Dowes wat die avonturier-stapper, Anette Grobler,
gekoördineer het. Pedro Kruger het as seremoniemeester
opgetree en Lize Beekman was die gaskunstenaar. Na ’n
heerlike ete is ’n veiling gehou van wyne, REVLON-produkte,
4 x 4 –roete, gholfdae, ens.
’n Program is deur Pasella opgeneem van Janie du Plessis
wat die segspersoon vir “Cancervive” is. Die program is
in Junie 2011 gebeeldsend. De Malle Meul was die
beginpunt van die opname. Renier van der Merwe, die
tandarts van die dorp, het die heerlikste pienk koeke en
kolwyntjies gebak. Die gaste het dit so geniet dat
resepte uitgedeel is.
Pasella recorded a programme of Janie du Plessis, the
spokeswomen for “Cancervive”. The programme was
broadcasted in June 2011. De Malle Meul offered tea and
cake to the Cancervive team.
- Pasella – Junie 2011 met Janie du Plessis en
Cancervive
- All Access – April 2010 met AfriSpaans en Maud
Myra
- Die Burger, Naweek Plus – Suid-Afrika se
Philadelphia - Junie 2010
- SARIE Tydskrif – Philadelphia - Anna se plek van
rus - Junie 2010
- Leef Tydskrif – Plek van Naasteliefde – Julie
2010
- TUIS tydskrif – Kos en Drank – September 2010
- Sunday Times – The Cape’s own Dr. Phil – Nancy
Richards – January 2011
- Country Life Magazine – Country Calling – April
2011
- SA Wine Magazine – 20 Places to tuck into Sunday
Lunch – July 2011
- Naweek (Die Burger) – Hier ruik dit nes die
platteland – 27 Augustus 2011
- The Month – Crazy Times : Jill Pepper visits
de Malle Meul in the Swartland – January 2012.
|
